Azərbaycanda və Azərbaycandan kənarda Isa Məsih haqqında xoş xəbəri yaymaq və iman edənlər ilə birgə Məsihin cəmiyyətlərini yaratmaq, mövcüd olan və yeni yaranmış Məsihin cəmiyyətlərinə ruhanı, mənəvi dəstək verərək təyinatlarını icra etmələrinə, müjdə xidmətlərinin təşkil edilməsinə dəstək vermək, seminarlar, konfranslar təşkil etmək, xidmətlərinin icra edilməsi məqsədi ilə təciz etmək, cəmiyyətlər arası dostluq və əməkdaşlıq yaradan birlikdir.

Alov Kilsələr Birliyi 2010-cu ildə Bakı şəhərində bir neçə kilsə rəhbərlərinin təşəbbüsü ilə yaradılmışdır. Alov Kilsələr Birliyinin təsisçiləri Məmmədov İdris, Fərhadov Ceyhun, İslamov Murad və başqaları olmuşdular.

Alov Kilsələr Birliyinin hal-hazırda istifadə edilən loqosu 2018-ci ildə yeniləndi. Loqonun mərkəzindəki:
Alov - Müqəddəs Ruhun alovunu bildirir. Alovun ətrafındakı dairə- bütövlüyü, əbədiliyi, kamil ardıcıllığı bildirir.
Göy rəng- səmanı əks etdirərək, ruhaniliyi, həqiqəti, imanı, sədaqəti, daimilik və əbədilik mənasını verir.
Ağ rəng – müqəddəsliyi, paklığı, səmimiyyəti və şəffaflığı bildirir.

Azərbaycanda və dünyada olan digər xalqlar arasında, İsa Məsih barədə xoş xəbəri yayaraq iman edənlər ilə birgə İsa Məsihin Ali tapşırığını yerinə yetirməkdir.
Bu məqsəd ilə Matta 28:19-20 "Beləliklə, gedin, bütün millətləri Mənim şagirdim edin; onları Ata, Oğul və Müqəddəs Ruh adı ilə vəftiz edin; sizə əmr etdiyim hər şeyə riayət etməyi onlara öyrədin. Budur, Mən dövrün sonuna qədər hər gün sizinləyəm»." ayəsini əsas tutaraq Allahın izzəti üçün Məsihin törəyən cəmiyyətlərini yaradırıq.
Romalılara məktub 15:6: "hamınız birlikdə və bir səslə Rəbbimiz İsa Məsihin Atası olan Allahı izzətləndirəsiniz."

İsa Məsihi həyatına Xilaskar olaraq qəbul edənlərin iman etirafı:
1. Göyün və yerin Qadir Yaradanı olan Ata Allaha iman edirəm.
2. Allahın Vahid Oğlu, Rəbbimiz İsa Məsihə iman edirəm.
3. O, Müqəddəs Ruhdan hamilə qalmış Bakirə Məryəm tərəfindən doğulmuşdur.
4. O, Ponti Pilat tərəfindən əzab çəkmiş, çarmıxa çəkilmiş, ölmüş və dəfn edilmişdir.
5. Üçüncü gün isə ölülərdən dirilmişdir.
6. O, göylərə qaldırılmış, Qadir Ata Allahın sağında oturmuş,
7. Və oradan da diriləri və ölüləri Öz hikməti ilə mühakimə etməyə gələcəkdir.
8. Müqəddəs Ruha iman edirəm.
9. Vahid, müqəddəs Məsihçi cəmiyyətinə və müqəddəslərin ünsiyyətinə iman edirəm.
10. Günahların bağışlanmasına.
11. Bədənin dirilməsinə.
12. Əbədi həyata iman edirəm.